മഹല്ല് സ്‌ക്വാഡ് എന്നത്, മഹല്ല് പ്രവര്‍ത്തനങ്ങളെ കൂടുതല്‍ ജനകീയമാക്കാനും, മഹല്ലിന്‍റെ സേവനങ്ങള്‍ നേരിട്ട് വീടുകളിലും വ്യക്തികളിലുമായി എത്തിക്കാനും രൂപപ്പെടുത്തിയ സജീവ സംവിധാനമാണ്. സാധാരണയായി 40/50 വീടുകളടങ്ങുന്ന ഓരോ ബ്ലോക്കിലും, അഞ്ച് അല്ലെങ്കില്‍ അതിലധികം അംഗങ്ങളടങ്ങുന്ന ഒരു സ്‌ക്വാഡ് രൂപീകരിക്കുന്നു. ഓരോ സ്‌ക്വാഡിനും ഒരു ലീഡറെ നിയോഗിക്കുന്നു. ലക്ഷ്യങ്ങള്‍: സമീപത്വം: എല്ലാ മഹല്ല് പ്രവര്‍ത്തനങ്ങളും നാട്ടുകാരുമായി നേരിട്ട് പങ്കുവെക്കുന്ന സംവിധാനമാണ് സ്‌ക്വാഡ്. ഗുണനിലവാരമുള്ള സേവനം: മഹല്ല് നടത്തുന്ന വിദ്യാഭ്യാസ, സാമൂഹ്യ, ആരോഗ്യ സഹകരണ, ദുരിതാശ്വാസ തുടങ്ങിയ പദ്ധതികളുടെ ഗുണഫലങ്ങള്‍ ഒരു വീട് വീതമായി എത്തിക്കുന്നതില്‍ സ്‌ക്വാഡ് നിര്‍ണായകമാണ്. ആശയവിനിമയ രീതി: മഹല്ല് ഭരണസമിതിയുമായി നിവാസികളിലുണ്ടാവുന്ന ആശയ വിനിമയത്തിനും നിര്‍ദ്ദേശങ്ങള്‍, പരാതികള്‍, നിര്‍ദ്ദേശങ്ങള്‍ സ്വീകരിക്കുന്നതിനും സ്‌ക്വാഡ് ഇടനിലക്കാരാവുന്നു. ലളിതമായ നിയന്ത്രണ സംവിധാനം: ബ്ലോക്കുകള്‍ വഴിയായുള്ള ഇടപെടല്‍ കൂടുതല്‍ കാര്യക്ഷമവും ക്രമബദ്ധവുമാണ്. ഏകോപനം, ഫീഡ്ബാക്ക് ശേഖരണം, പ്രചാരണം എന്നിവ തത്സമയം കൃത്യമായി നടക്കുന്നു. മഹല്ല് സ്‌ക്വാഡിന്‍റെ പ്രയോജനം: പങ്കാളിത്തം വര്‍ദ്ധിക്കുന്നു വിശ്വാസം വളരുന്നു മഹല്ല് സേവനം ജനത്തോട് കൂടുതല്‍ അടുപ്പിക്കുന്നു പ്രവര്‍ത്തനം ഗുണമേന്മയോടെ എത്തിക്കുന്നു ഉദ്ദേശം: സമൂഹത്തിന് വേണ്ടിയുള്ള സേവനത്തില്‍ ഓരോ വീട്ടിലേക്കും എത്തുക, ഓരോ മനസിലും വിശ്വാസം ജനിപ്പിക്കുക. മഹല്ല് സ്‌ക്വാഡ് ഒരുമയുടെ വഴി, സേവനത്തിന്‍റെ ആഴം.